Nawala ba o nasira ang iyong SIM card – ito ang dapat mong gawin

Nawala ba o ‘di kaya nasira ang iyong SIM card kung kaya hindi mo magamit ito para tumangap at magpadala ng tawag o text message?

Paano marecover o maibalik ang cell phone number
Paraan kung paano maibalik ang SIM card na nawala

Huwag kang mag-alala dahil may solusyon kung nawala o nasira ang iyong SIM card. Ito ang dapat mong gawin para ma-block ang number ng SIM card at maaari mo pa itong maibalik at magamit ulit ang dati mong cell phone number.

Paano marecover o maibalik ang number mula sa nawala o nasira na SIM card?

Maraming Pilipino na gumagamit ng prepaid SIM card na hindi pa rin nila alam na pwede pala nilang ma-recover, ma-retrieve o maibalik ang kanilang cell phone number mula sa nawala o nasira nilang SIM card. Kaya ang ginagawa ng iba, bumili na lamang sila ng bagong SIM card.

Kapag bagong SIM card, pati na rin ‘yung number nila ay bago. Kaya bigla-bigla may nagte-text o nag-missed call sayo, akala mo kung sino, ‘yon pala kung kakilala mo. Tatawag sila o magte-text at sasabihin nilang bagong number pala nila iyon.

Pero kung alam nila ang dapat nilang gawin kung nawala o nasira ang kanilang SIM card, madali nilang mare-recover o naibabalik ang dating cell phone number mula sa nasira o nawala nilang SIM card. Gamit ang bagong SIM card pero dating number, pwede ulit itong makatanggap at makapagpadala ng text message at tawag.

Hindi na gumagana ang SIM card?

Kung hawak mo ang iyong SIM card na hindi na gumana, huwag mo itong itapon. Dalhin mo na lang ito sa Smart o Globe service center/store para mapalitan nila ng bago at kailangan mong bayaran ang SIM card.

Kung Smart, Talk ‘N Text o Sun Cellular ang iyong SIM card, dalhin ito sa malapit na Smart store. Kapag TM o Globe ang iyong SIM, dalhin mo ito sa pinakamalapit na Globe store.

Dalhin ang iyong SIM card pati na rin buong card na kasama ng SIM cut para may ibedinsya ka. Huwag mahiyang pumasok sa Smart o Globe store. Tanungin at sabihin sa security guard na gusto mo na magpapalit ka ng SIM card at ituturo sayo kung saan ka pipila (syempre kung maraming customer).

Nawala ang SIM card at walang maipakita?

Kung wala kang SIM card na maipakita bilang ibedinsya, kailangan mong magpagawa ng ‘Affidavit of Loss’ na notaryado ng isang abogado at isang valid ID para mapalitan ng bagong SIM ang nawawala mong SIM card.

Kung mayroon ka na nito, iblo-block ang number ng nawala mong SIM card at gagawan nila ng paraan para marecover ang dati mong cell phone number.

Kapag narecover na nila ng dati mong number, ia-assign nila ito sa bagong SIM card na ibibigay sa iyo para pwede mo ulit magamit ang dati mong cell phone number.

Para makakuha ka ng ‘Affidavit of Loss’, pumunta sa pinakamalapit na serbisyo abogado para magpaggawa nito. Mula PhP 250 lang ang babayaran mo para sa pagpapagawa ng ‘Affidavit of Loss’.

Dalhin lamang ang Affidavit of Loss na ito at isa mong valid ID sa service center o store ng Globe o Smart para may maipakita ka. Kukunin nila ito at ive-verify nila. Sundin na lamang ang mga susunod na hakbang na sasabihin ng personnel a iyo.

Ito ang mga paraan kung paano mare-recover, mare-retrieve o maibabalik ang iyong cell phone number mula sa nawala o nasira mong SIM card. Sana may bagong kaalaman na naman ang napag-aralan ninyo at sana huwag mong kalimutang ibahagi ito sa ibang tao na hindi nakakaalam nito.

SIM Card Registration

Smartphones

Posted on:

Tags:

Comments

205 responses to “Nawala ba o nasira ang iyong SIM card – ito ang dapat mong gawin”

  1. Donald

    Hi! Good Morning po Sir. Nawala po kasi ung phone ko kasama ung sim card ko, kailangan ko po ung sim card dahil nag ka problem po ako sa Fb account ko, un lang kasi ung tangi paraan para maopen ko po ung Fb account dahil dun nila tetext ung generation code, medyo may katagalan narin ung sim card na un at di ko po na itabi ung sim bed nya. kailangan ko lang ma retrieve ung sim card # ko. Meron na po ako affidavit of loss at mga ID, ang patunay ko lang na akin ung cell number na un is ung old resume ko naka indicate po dun ung cell# nawala. Bukod dun ay wala na. May chance pa po ba ako mapalitan ung sim card ko with the same number. Salamat po ng marami.

    Reply
    1. EkstraTips Team

      Hello, medyo strikto na po kasi sila ngayon pagdating sa SIM Replacement. Although kahit meron ka nang Affidavit of Loss at valid ID, siguradong kakailangan pa rin po nila yung SIM Bed/Holder as Proof of Ownership. Tanong ‘nyo na lang po sa official fb/twitter account ang mobile network provider, or sa mismong Security Guard nang branch kung may time para masigurado ‘nyo.

      Regarding sa facebook account recovery ‘nyo, subukin ‘nyo na lang yung ibang paraan para ma-retrieve ito kung pwede. Kung hindi talaga pwede, gawa na lang po kayo nang new account, save ‘nyo ang mga available photos mula sa old account kung meron, then report the old account as ‘Hacked‘ or ‘Pretending to me‘ para matanggal at mabura ang account. Make sure na verified at may new pictures ‘nyo sa new fb account bago mag-report.

      Reply
  2. Papi

    May tanong pero hindi ko sure kung alam nyo yung sagot. Sana matulungan nyo ko.

    May globe sim card ako na nabubuksan pa pero wala nang signal. Dinala ko sa globe thinking na kailangan ko lang i-upgrade to 5G sim pero sabi sakin cancelled na daw yung number tas wala nang sinabi sakin. Ang tanong ko po is ibig sabihin po ba nun ay deactivated na yung number? Also alam ko na nah rerecycyle ang globe ng number, gaano kaya katagal bago nila ito gawin? Panghuli, nasa akin pa din yung sim card at tray, posible kaya na mabuksan ulit yung number na yun? Salamat po sasagot.

    PS. Kung meron pong tech support ng globe dyan na makakabasa nito please help po. Sobrang salamat!

    Reply
    1. ET Team

      Hi, tulad po nang ibang replies dito, kapag po walang load kahit piso ang Prepaid SIM Card ‘nyo sa loob nang 120 days o 4 months, maca-cancel o made-deactivate po ang SIM number. Kapag deactivated na po ito, hindi na po ito pwede sa SIM Card Replacement. Kaya dapat po may load kahit piso ang Prepaid SIM para hindi ito ma-deactivate.

      Ang option nyo na lang po ay bumili nang bagong SIM Card. Not sure din kung gaano po katagal mare-recycle ang mobile number.

      Reply
  3. Axy

    Hi, pano po ba malalaman kung ang sim card ay expired na? Sakin po kasi yung sim card ko no service na kahit san phone ko ipasok hindi na binabasa pero nung pinaloadan ko pumasok naman po yung load

    Reply
    1. EkstraTips Team

      Hello, not sure po kung pwedeng pumasok ang load kahit deactivated/expired na ang SIM. Basta walang load kahit piso ang SIM sa loob nang 3-4 months, made-deactivate po ito. Kapag deactivated na po ito, hindi po ito pwede sa SIM Replacement.

      Reply
  4. Anonymous

    Hi, tanong ko lang po possible pa po ba marecover yung sim ko kahit ilang buwan ng hindi gumagana. Bigla na lang po kasi di maread yung sim ko ehh kahit may load pa naman po yun na 700

    Reply
    1. EkstraTips Team

      Hello, gaano po katagal? Dapat po kasi kung may load naman at hindi talaga gumagana yung SIM kahit sinalpak sa iba-ibang phone, pwede ‘nyo naman magpa-replace nang SIM basta nasa inyo yung SIM at isang valid ID.

      Pero sa kaso ‘nyo baka deactivated na SIM at kapag deactivated ito, hindi na ito pwede sa SIM Replacement, kaya tinatanong kung gaano katagal. Check ‘nyo po ibang replies dito para sa ibang info.

      Reply
Older Comments
1 … 3 4 5

Leave a Reply

Your email address will not be published. Required fields are marked *